Ram economy dinchhuahna bul chu Kuthnathawktute an ni - Agriculture Minister

Agriculture Minister C. Lalrinsanga chuan, “Ram economy dinchhuahna bul chu Kuthna-thawktute an ni,” a ti.

Saitual District chhung Sihfa ram Mualkhang Zau nimin-a a tlawhna ah he thu hi sawiin Agriculture Minister chuan khawvel ram ropui zawk Europe ramte hi mi hausa kalkhawmte din nilo in, Kuthnathawktuten an tih bek bekna atanga tun dinhmun hi thleng thei an ni tih sawiin, “In thlantui hmanga Intodelh intumna hi ka ngaisang a, inhmalakna a hmun ngeia rawn tlawh hi ka duh a ni,” a ti a. Kuthnathawktuten hlawk zawk leh awlsam zawka Buh leh thlai an tharchhuah theih nan Sawrkarin ngaihtuahna thar a seng tih pawh sawiin, Neihbawi-a Agriculture Farm-ah rannung microbes behchhana siam leitha, bio-fertilisers siamna OP-12 Bio Fertiliser Production Unit chu Sawrkar flagship programme SEDP hmangin din mek a nih thu a sawi a. He leitha siamchhuah tur hi loneitute leh kuthnathawktute tana thil chhenfakawm tak a ni dawn a, lei hanna (Soil fertility) tlahniam mek a siamthat leh theih a beisei thu te leh thlai tharchhuah kawngah nasa takin bio-fertiliser te hian kuthnathawktute a puih a rin thu a sawi a, hemi anga kan kal thei anih ngat chuan Mizoram-ah Agriculture Revival a thlen a beisei thu a sawi bawk.

Agriculture Minister C.Lalrinsanga chuan SEDP Vaimim chungchang pawh sawiin Matric ton 5000 vel tharchhuah an beisei tih a sawi a, Vaimim tharchhuahte chu Ran chaw atan dehral dan kawng dap tumna a awm thu leh, Serchhip District-ah Agriculture Department bul tumin hlawhtling takin Ran chaw siam mek a ni tih a sawi a, hemi atan hian FOCUS atangin a khawl lei a nih thu leh RKVY atangin a khawl dahna tur building sak niin Haulawng tlangdungah hralhchhuah thin a ni tih a sawi a, “District dangah pawh Ran chaw siamna hi kalpui chhoh zel tumna a awm,” a ti a. AH&Vety Department pawhin Tanhril-a Ran chaw siamna hmunah Vaimim Ro/char tha kg 1 Rs. 24 zelin an lei thin tih sawiin, Ran chaw atana hralh tur Vaimim te chu a ro/char that hun nghah a tul thu a sawi bawk a ni.

Sihfa khua ah hian In 250 vel awmin chung zinga chhungkaw 120 vel chuan Thlai thar hralhchhuah tur kumtin an nei thin a, hemi a sum chevel hi kumkhatah cheng nuai 40 vel tlingin Minister hian Aizawl-a hralh tur thlai thar te a vailiam nghal bawk a ni.

Comments

Popular posts from this blog

Volleyball S/F khel dawn