African Swine Fever (ASF) chungchangah Mizoram chu India ram-a titha ber a ni - MNF

MNF Party chuan Vawk natna chi khat, African Swine Fever (ASF) chungchangah Mizoram chu India rama titha ber a ni tih an sawi.

Inrinni-a thuchhuah an siamah MNF party chuan ASF hi chi hrang hrang (Sub-type) 26 vel a awm thu leh Asia khawmualpui leh India ram bakah Mizoram thlenga kan tawrh mek hi Sub-Type II a ni tih tarlangin, he hri in Mizoram a rawn luh hma hian Assam, Arunachal Pradesh leh Meghalaya ah chuan an lo tuar nasa hman tawh hle niin an tarlang a. Mizoram-a he hri a rawn luh hnuah April 16, 2021 khan Lungsen khua, Vawk thih tamna hmunpui leh a chhehvel chu 'The Prevention and Control of Infectious and Contagious Diseases in Animal Act-2009' hmangin ASF lenna hmunah puan a nih thu te, Disease Investigation Team te rang taka tirin, mipui hnena ASF hrilhhriatna pawh vawi 209 lai neih a nih thu te an tarlang a ni.

MNF thuchhuah chuan India ram State dang ten mumal taka Vawk suat (culling) an ti ve lo tih sawiin, “Mizoram chauh hi Vawk suat compensation dawng tur kan nih avangin MNF chuan Dr. K. Beichhua hi kan chhuang takzet a. Heta tana sum mamawh 50% hi Govt.of India-in a thawh a, chumi lo dolet nan chuan 50% chu Mizoram sawrkarin a tum a ni,” an ti a. Vawk suatna man Rs.10,48,42,200/- pawh tihfel a ni tawh thu leh Official Level-ah tih tur tul zawng zawngte tihfel anih veleh District Veterinary Officer-ah pawisa hi transfer a ni anga. District Officer-ten beneficiary account-ah an dawn tur zat theuh an deposit ang tih an sawi a. Rokhawlhna lian tak a awm loh chuan pawisa hi  August ni 15,2022 hmain sem vek tum a ni tih sawiin, “Compensation hi Minister hian ni 26/7/2022 khan Vawk suat sakte hnenah a released tawh a. Covid hrileng kara Vawk vulha eizawng, kut hnathawkte hma ngaitu Dr. K. Beichhua-in theihtawpa State dang tih ve theihlohah hma a la bik hi MNF chu a lawm takzet a ni,” an ti.

Hei bakah hian MNF thuchhuah chuan AH&Vety Department hnuaia hmalakna hrang hrangte pawh tarlangin, heng zingah hian Feed Godown, Tanhril chu a building leh khawlte theihtawpa cheithat niin ran chaw ni khatah-ah quintal 90 atanga 110 herchhuah theih a nih tawh thu pawh a tel a ni.

Comments

Popular posts from this blog