2nd Division Group Stage khel zo ta

Independence Day/Screening Football Tournament 2022 khelh mekah nimin khan 2nd Division te chuan Group Match khel zo in Quarter Final-a inhmachhawn tur pawh hriat theih a ni ta.

Nimin-a 2nd Division Group A inkhel ah Bungtlang FC chuan Leisekawt FC chu si khat faiin an hneh a, an Group a Vengchung FC leh Chhim Veng FC inhmachhawn tur chu Team pahnih te hian beisei tur an neih loh avangin an inlan lo ve ve a ni. Heti hian Group-a Team 5 awm zingah Kei\um FC-I chuan point 10 hmuin Group Leader ni chungin Quarter Final an lut a, Bungtlang Bazar FC in point 9 hmua pahnihna niin Quarter Final an lut ve bawk a ni.

Nimin-a Group D inkhel ah Kei\um FC-II chuan Dinthar FC chu si khat fai-a hnehin P&E Veng FC in Bungtlang Chhim Veng FC chu 6-1 in an hneh bawk a, Group D-ah hian P&E FC hian match 3-ah hnehna chang veka point 9 hmuin Quarter Final an lut a, Keitum FC-II hian point 6 hmua pahnihna niin Quarter Final an lut bawk a ni.

Vawiin hian 1st Division ten an Match 6-na an khel leh dawn a, chawhma dar 10:00-ah inkhel \anin New Serchhip FC leh Vengchung FC an inhmachhawn hmasa ber anga, Bungpui FC Hriangtlang te an inhmachhawn dawn bakah Chanmari FC leh Hmar Veng FC te inhmachhawnin FC Serchhip Kawnpui leh Chhekhnai FC te an inhmachhawn dawn bawk a. Vawiin a inkhel result a zir hian Final lut tur pawh hriat theih \an a ni dawn a, Bungpui FC te hian point an hmu lo leh a nih chuan Season thar-ah 2nd Division-ah an tla dawn chiang bawk a ni.

Comments

Popular posts from this blog

Volleyball S/F khel dawn