Zangnadawmna cheng nuai 100 pe turin phut

Mizoram Pradesh Youth Congress Committee (MPYCC) chuan Mizoram sawrkar chu tunhnaia boral Lalhriatpuii (L), Dawrpui Vengthar, Aizawl hnenah zangnadawmna cheng nuai 100 pe turin an phut.

MPYCC te hian nimin khan Excise & Narcotics Department changtu Minister hnenah lehkha thehlutin hemi chungchang hi an thlen a, Lalhriatpuii (L) Dawrpui Vengthar hi May 27, 2022 khan Excise Department-in an Grape wine zawrhlai chu an man sak vek thu leh tunah pawh engmah peklet a la ni lo tih tarlangin, a eizawnna ve ber Grape Wine a zawrh theih tak si loh avanga mangang em em in, chhungkaw eizawngtu ber a nih angin a rilru a hah em avangin a nunna hial a lo chan ta chu runthlak an tih thu leh na an tih thu an tarlang a. Hei vang hian Vawiin, July 13, 2022 chhun dar 12:00 hma ngeiin Lalhriatpuii (L) chhungte hnenah zangnadawmna cheng nuai 100 pe ngei tura an phut thu tarlangin, an pe lo a nih chuan a tul angin hma an la ang tih an hriattir nghal bawk a ni.

MPCC pawhin nimin khan thuchhuah siamin Mizoram sawrkar chu Grape Wine chungchangah a dinna ti chiang vat tura an phut thu tarlangin, Grape Wine an man sakte hnena a rang lama pe kir tur leh zangnadawmna pe tura an phut thu an tarlang bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man