Union MoS for External Affairs in Mizoram tlawh

Union Minister of State for External Affairs V. Muraleedharan chuan nimin khan Mizoram rawn thlengin nimin vek khan Mamit District a tlawh nghal bawk.

Mizoram-a rawn zin Union Minister of State for External Affairs V. Muraleedharan hi Health Minister Dr. R. Lalthangliana leh Health & Family Welfare Board Vice Chairman Dr. ZR.Thiamsanga MLA-te chuan Lengpui Airport-ah Mizoram sawrkar aiawha lo dawngsawngin Mizoram a rawn tlawh avanga lawmthu a lo hrilh bakah duhsakna a hlan nghal bawk a ni.

Hemi hnu hian Union Minister hian Mamit District pan nghalin Mamit khawpui chhunga Sawrkar Department hrang hrang hotute, khawtlang hruaitute leh tlawmngai pawl hrang hrang aiawhte nen Mamit DC Conference Hall-ah inkawmhona neiin CSS hnuaia Project hrang hrang kalpui dan an thlirho a. He hunah hian Union Minister chuan Mamit District chu Aspirational District a nih angin chawikan an mamawh tih sawiin, District chawikanna tura Plan leh Target siama theihtawpchhuah turin a chah a. Sawrkar Department hrang hrang hnuaia hmalakna leh an harsatna te sawiho niin, an harsatna thlente chu a theih ang anga DoNER Ministry leh a Concerned Ministry-ah thlen a, sutkianpui dan tur a ngaihtuahpui tur thu a sawi bawk.

He hunah hian Mamit DC Lalnunhlua chuan Keynote Address pein Aspirational District Programme Nodal Officer Lalsanglura chuan Power point Presentation hmangin Mamit District (Aspirational District) dinhmun tlangpui a tarlang a. Hmasawn zelna tur kawng hrang hrangte sawiho a ni a. Minister hian CSS hnuaia beneficiaries te kawmi an harsatna hrang hrangte an thlen bawk. Ruahman lawk ang chuan Union Minister hian Vawiin-ah District Hospital, Anganwadi Centre-V leh zirna In tlawhin PMAY (U) leh PMUY hnuaia Benefiaciaries te a tlawh bawk ang.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man