DA tipung tura sawrkar nawrna titawp rih

Mizoram sawrkar hnathawk inzawmkhawm pawl, Federation of Mizoram Government Employees & Workers (FMGE&W) chuan, Dearness Allowances (DA) 34% a tihpun ngiat a hma an lakna chu sawrkar hotute ngenna angin chawlhsan rih an tum.

FMGE&W hruaitute chuan tunkar Thawhtanni khan Deputy Chief Minister Tawnluia leh Health Minister Dr. R. Lalthangliana te chuan leng ah sawmin, DA pung pek ngei an duh thu leh an chanvo a ni tih sawrkarin a hriat thu te, chutihlai chuan sawrkar sum dinhmunin a tlin ngang rih loh avangin hremthiam hram tura an ngen bakah, pek tur awm se pek an duh thu te bakah, pe thei dinhmuna sawrkar a din ve leh pek an tum thute an lo hrilh bawk niin an sawi a. He ngenna hi niminpiah khan FMGE&W hruaitute chuan ngaihtuahin, sawrkar ngenna chu zahawm an tih vangte, sum a awm rih ngang lo a nih chuan ngenna an dawn angin lungawilohna lantir loin, sawrkar ngaichang rih turin thutlukna an siam a, DA tinpun ngiat a hmalak zel an tumna pawh an tawpsan rih dawn a ni.

FMGE&W chuan an DA 34% a tihpun ngiatin kar kalta, June ni 27 atanga July ni 1 chhung khan khan Bagde dum an lo bel tawh a. Mizoram hnuaia sawrkar hnathawkte hian DA hi 28% an la mek a ni.

Comments

Popular News (Last 30 Days)

Vawiin-ah HSSLC Exam result