Super IAS 40 Programme-a thlan te briefing neihpui

Mizoram Youth Commission (MYC) in Super IAS 40 Programme hnuaia a thlanchhuah mi 40 te chu niminpiah khan MYC Youth Centre, Training Hall-ah briefing neihpuiin, Counselling pawh neihpui nghal an ni.

Chief Minister Zoramthanga'n Mizoram Youth Commission hnena Super IAS 40 Programme atana sum a ruahman sak angin MYC chuan Mizo thalai 40 te chu All India Service Exam tura inbuatsaih nan a Full Sponsorship pe tur thlanna a buatsaih tawh a, hetah hian mi 283 ten June ni 4, 2022 khan Written Exam hmachhawnin, a titha mi 80 te chu June ni 29 leh 30 khan Personal Interview neihpui an ni a. MYC in Written leh Personal Interview atanga a titha a thlanchhuah mi 40 te chu he hunah hian briefing neihpuiin Counselling neih chhunzawm nghal a ni a. New Delhi Centre atangin heng Candidates te hi Online-in Counselling neihpui an ni.

Super IAS 40 Programme atana thlanchhuah mi 40 te hi tun thla chhungin Coaching Centre tha, VISION IAS, ALS leh VAJIRAM & RAVI-ah te Coaching kal tura Delhi-a thawn hman tum an ni a. MYC chuan mi 40 te hi Agreement Bond sign pui an ni dawn a, hetah hian an awm danin a zir loh chuan an senso rulhlet leh tur chungchang bakah UPSC Prelims vawi 2 an hmachhawn hma chu Central leh State Sawrkar leh Commission/Board hnuaia hna dil te phal anih loh tur thu te chiang taka tarlan a ni.