COVID-19 hri kai hmuhchhuah an la pung zel

Mizoram-ah COVID-19 hri kai hmuhchhuah leh enkawllai an la pung chho zel a, niminpiah khan Mizoram pumah Sample 448 enfiah leh niin heng atang hian COVID-19 hri kai mi 108 hmuh an ni a, Sample enfiah atanga chhutin za zela 24.11 te chuan hri an kai a ni.

Niminpiah a hri kai hmuhchhuah 108 zinga 106 te hi Rapid Antigen Test hmanga Sample enfiah 445 atanga hmuh te an ni a, an zinga 46 te hi Aizawl District-a hri kai hmuhchhuah te niin Lunglei District-ah 36, Mamit District-ah 11, Champhai District-ah 6, Serchhip District-ah 3, Kolasib District-ah 2 leh Saitual leh Hnahthial District-ah mi pakhat ve ve te an ni a. ZMC-a RT-PCR Laboratory-ah Sample enfiah 3 awmin heng atang hian hri kai mi pahnih hmuh an ni bawk.

Nimin khan District 4 atangin COVID-19 hri kai enkawl dam mi 33 an awm ve leh thung a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,29,609 niin an zinga 2,28,439 te chu enkawl dam an ni tawh a, hri kai hmuhchhuah atanga chhutin za zela 99.50 te chu enkawl dam an ni tawh a, hri kai enkawllai mi 706 an la awm bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar