Lunglei-ah DISHA thukhawm; NHIDCL te koh an ni

Nimin khan Lunglei-ah District Development Coordination and Monitoring Committee (DISHA) chu an Chairman leh Lok Sabha MP C. Lalrosanga kaihhruaiin an thukhawm.

He thutkhawm ah hian Lok Sabha MP chuan DISHA chu Central Government Scheme pawimawh zawng zawng thlirhona leh zirchianna anih avangin ram hmasawnna atan a pawimawh hle a, sawrkar laipui hotute pawhin an ngai pawimawh takzet a ni, a ti a. Kan ram ti hmasawn zel turin Sawrkar hnathawkte, tlawmngai pawl te leh khawtlang hruaituten mawhphurhna sang tak kan nei theuh tih sawiin, tha thlahlova theihtawp chhuah zel turin kalkhawmte a chah bawk.

He hunah hian Lunglei District-a National Highway hnathawh mek pahnih NH-54 leh NH-302 te enkawltu National Highways and Infrastructure Development Corporation (NHIDCL) hotute koh tel an ni a. Lok Sabha MP chuan National Highway siam mekte chu kan ram economy thanlen zelnan an pawimawh takzet rualin heng kawngpui laih avanga environment tih chhiat loh nan NHIDCL General Manager leh a thawhpuite chu Environmental Laws uluk taka zawm turin a hriattir a. Kawngpui an laihna leivung te a paihna hmun tura ruat dumping site ah chauh paih tur leh leivung te kawr leh luiah a luan luh lohnan a tul anga hma la turin a chah bawk.

Comments

Popular News (Last 30 Days)

Vawiin-ah HSSLC Exam result