Serchhip Joint VC Team chak lo

LBS Suzuki All Mizoram Inter-Village Football Tournament khelh mekah Serchhip atanga tel Serchhip Joint VC Team chu an match hmasa berah chak zo lovin an tla nghal.

Serchhip Joint VC Team te hian nimin khan an match hmasa berah Champhai Kanan VC Team chu Lengpui MSC-ah hmachhawnin hun pangngai ah goal 5 ve ve inpe in an inhnehtawk a, Penalty Shoot-out hmanga chak zawk zawnna ah 5-4 in Champhai Kanan VC te hi an chak ta zawk a, he Tournament hi Knockout System-a khelh a nih avangin Serchhip Joint VC Team te hi an tla ta nghal a ni.

He inkhel ah hian Serchhip Joint VC Team hian bul an tan tha lo hle a, minute 22 chhungin goal thum lai chhuahin 3-0 in an hnufual a, amaherawh chu Serchhip Joint VC Team tan Lalrinzuala chuan minute 22, 45, 58 leh 61-ah goal rawn khungin 4-3 in an lehthal hman a, Champhai Kanan VC lam hian minute 64 leh 71-ah goal rawn khung ve lehin Lalrinzuala bawkin minute 83-ah Serchhip Joint VC si phurh a sut ve leh a, hun tawp ah 5-5 in an inhnehtawk a, Serchhip Joint VC goal zawng zawng hi Lalrinzuala khung vek a ni.

Minute 90 chhunga chak zawk an awm loh avang hian Penalty Shoot-out hmanga chak zawk zawnna neih zui niin hetah hian Champhai Kanan VC Team te hi 5-4 in an chak ta zawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar