MIZORAM HI A LA CHHE VEK LO

MIZORAM HI A LA CHHE VEK LO 

- R.Lalhmangaiha

Bethlehem

Tunhnai mai hian inzirtirna diklo tak mai 'Mizoram chu a chhe vek tawh' tih lam hawia thuziak chhiar tur a tam hle a. A hman hman leh a peihna zawngin Social Media lamah an ziak hmuh tur a tam mai. Mihring ah pawh mahni chauh dik, tha leh fel inti; midangte felna leh thatna lai reng reng hmu duh ngai hauh lo an awm ang hian, Party Politics-ah pawh mahni telna party ni lo tawh phawt chu, sawrkar hmalakna reng rengah an hmingthat bik hlauvin a thatna lai hmuh tum reng reng lo, do nghala sawisel ringawta ram tang hi an awm tlat a ni. Hetiang hi rorelna la chelh ve ngai hauh lo lam tangte hian an hrat zual hle bawk.

Sawrkar hmasa Congress kaihruaina hnuaiah thil tha tih pawh a awm mai thei. Mahse, Zu an zuar a, Zu avangin mi tam takin nunna an chan ruih ruih a, hmeithai leh fahrah an pun phah a, kan kawngpui chhiatziate kha mitinin kan la hre theihnghilh hman awm love. Driver rual leh NGO-te kha kawng chhe lai siamin an hnatlang sup sup anih kha. Khatih lai khan Mizoram chu engkima chhe ta vek anga sawi leh ziah hmuh tur a tam lo hle thung.

Kum 2018 November-ah MNF a sawrkar ve leh a, Krismas leh kum thar hunpuiin a nang zui a. Sawrkar anga hnathawh theih chu January 2019 atang chauh khan a ni. MP (LS) leh inthlan dang neuh neuh a awm chho nghal zut a, sawrkar anga hmalakna tur kha Election Conduct Rules-in a phuar chho zel a. Kum khat awrh an sawrkar a, khawvel, India leh Mizoram chu Covid-in kum hnih leh a chanve chuang min han nuai leh a. Khawvel sawrkar ropui ber berte pawh namen lovin an buai a. Tu sawrkar mahin hripui lo leng tur kha hre lawk hek lo, Mizoram sawrkar pawhin budget-a a dah lawk miah loh Covid do nan sum tam tak a hmang a, development a kal tur angin a kal hlei thei lo a, tunah Covid ziaawm tanin an term tawp dawn lamah hma an la ve dawn chauh a ni. Covid kara hna an thawh nasatzia pawh a hre duh tan chuan haider rual a ni lo.

William Shakesprare-a'n 'Vanduaina hi a mal malin a lo thleng lova, a hu hovin a lo thleng zut zut a ni' a tih ang maiin, mihring pul hri mai bakah Vawk pul hri a loleng a, an thi ruih ruih a. Khawchhak lamah lir a lo nghing chhen a, chhim lamah namenlovin ram a kang a, ramri a buai a, khawchhak lam unau raltlan buaipui an ngai bawk a. Mizoram sawrkar hian a inrinlawk miah lohna lamah sum tam tak a seng a ni.

Hetiang buaina hrang hrang karah Mizoram chu kan vannei a, Gas, ei leh barah harsatna lutuk tawk lovin kan awm zel a. Kawngpui chhe zualpui siamthat a ni a, tuna a chhe lai kan tihte pawh hi siamthat tura hmalak mek a nih vang a ni. Chief Minister, Minister leh MLA-te hi an thuthluang mai mai lo tih a lang a ni.

Tichuan, Mizoram chu chhe ta veka chhuah rengtute hian a eng lai tak hi nge chhe ta veka an sawi chu ni ta ang. Khawimaw lai karah duhthusam ang thlap thlap chuan thil a kal vek lo pawh a ni ang. A thawk a phita MNF sawrkar hnuaiah Mizoram chu chhan tlak awm tawh lo khawpa sawi thintute hian eng hmuhin nge kan ram hi an hmuh tih hi ngaihtuah tham a awm a ni.

Sawi leh sawi hnu, Covid karah Pu Zoramthanga kaihhruai sawrkar hian hna tam tak a thawk a. Hripui hi lenglo ni ta se, tuna kan hmuh loh leh beisei loh ram tana chhenfakawm tam tak an phaw chhuak ngei ang. Mizoram hi a la chhe vek lo e.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result