Rintlak-a Online hmanga bill pek theih thuai beisei

P&E Department chuan rintlak taka Online hmanga Electric bill pek chhunzawm theih thuai beisei a ni tih an sawi.

Hemi chungchang thuchhuah an siamah P&E Department chuan July thla Electric bill chu P&E Department Bill Counter-ah payment dawn mek ah thu leh hetihlai hian Billing System thar leh Data Centre thar hman tan a nih vangin Online a bill pe thin te tan engemaw harsatna a awm leh thin tih an sawi a. Electricity Billing System tharah hian Consumer number thar vek hman a nih tawh avangin Online hmanga bill pek nan Consumer number thar (8-digits) hman tawh tur niin chu chu ‘Business partner’ tih ah chhutluh tur a nih thu leh July thla bill la hmu lo tan June thla bill-ah Consumer number thar hi tarlan tawh a ni tih an tarlang a .Hetianga Online payment chungchanga harsatna lo awm leh thin hi buaipui a nih thu leh chinfel mek zel a nih avangin rintlak taka Online hmanga bill pek chhunzawm theih thuai beisei a ni tih an tarlang a ni.

Billing system thar hman a nih avanga Online payment leh Bill entry a thil felhlel (slab lang kimlo, due date diklo etc.) awm theiah P&E Department chuan mipuite hriatthiamna dilin, Billing System tharin a huam chhungah chuan July thla bill Due date hi 22.07.2022 a ni a, hmundangah chuan Department in a ruat ang zel chu hman tur a ni tih an tarlang a. Bill diklo leh felhlel nia hriat chu Complaint Counter-ah Office hun chhungin complaint theih reng a nih thu leh Online payment chungchang bikah harsatna nei an awm a nih chuan Mobile phone No. – 9436141511/7832871956/8575517333-ah Office hun chhungin zawhfiah theih a ni tih an tarlang bawk.