PC Party Economic Policy thar tlangzarh

PC Party chuan nimin khan Aizawl-a an Office-ah an Economic policy thar 'Khawl Hnuh Hmasawnna : Mi tin tan In leh Hna' tih chu an tlangzarh.

PC Party Economic Policy tlangzarhna hunah hian an President Lalhmangaiha Sailo chuan PC Party in ram hmasawnna tura hma a lo lak tawh dan leh hmalak a tum dan te sawiin he policy hi a tlangzarh a, David Lalrinchhana, Research Scholar chuan he Policy thlirlawkna hun a hmang bawk a ni.

He hunah hian PC Party Senior Vice President Vanlalruata chuan powerpoint presentation hmangin policy hi a sawifiah a. “He policy hi kan ram dam theihna, rin thu nena siam ni lo, mi hlawhtlinna zirchianna atanga piang anih avangin kan ram tan a hlawhtlin a ngai a. A hlawhtlin theihnan hma lakpui atan mi zawng zawng kan sawm che u a ni,” a ti. PC Party Economic Policy thar, 'Khawl Hnuh Hmasawnna : Mi tin tan In leh Hna' tih bu hi Rs. 20/- man niin a duh apiang lei theih tura duan a ni.