Hman khat daih polythene/plastic tihrem dan tur rel

Nimin khan Champhai District-a hman khat daih polythene/plastic-Single Use Plastic (SUP) hman thin tihrem a nih theih nana hmalak dan tur chungchang sawihona neih a ni.

Champhai Bawrhsap James Lalrinchhana hova he thutkhawm neih hian hman khat daih polythene/plastic tihrem a nih theih nana hmalak dan tur hrang hrangte zau taka sawihoin Sawrkar Pisa zawng zawng, Zirna In, Damdawi In, Clinic, Sports hmunhma leh mipui punkhawmna hmunah te Single Use Plastic hmang lo tura ngenna siam ni se tiin, Dawr, Bazar, Catering leh hmun dang danga hman khat daih polythene leh plastic hman thin chu inzirtirna leh inkawhhmuhna mumal tak siama hrilhhriat ni se, Digital Flyer siama thehdarh nise tih a ni bawk a. Department tinah Single Use Plastic Enforcement Squad din leh a tul anga endikna kalpui thin ni se tih a ni bawk.

Single Use Plastic hman tihtawp tura hmalakn hmasa atan mipui nawlpui, Single Use Plastic hmang nasa dawrkai leh thil zuarte hnenah inzirtirna August thla tawp thlenga neih nise tih a ni a. September ni 1, 2022 atangin khauh taka dan kenkawha, dan bawhchhiate chungah hremna lekkawh ni se tih a ni bawk.