Plastic thatloh zia inzirtir

Nimin khan Thenzawl-ah hman khat daih plastic hman khapna leh hetiang Plastic thatloh zia inzirtirna neiin Faina beihpui hnatlang neih a ni.

Thenzawl SDO (Civil) Beitlotha Nohro hova Thenzawl Town Sanitation Task Force thu-khawm in an lo rel tawh angin India rampum a hman khat daih, Single Use Plastic hman leh zawrh khapna kalpui bawhzui hian nimin khan Thenzawl-ah VC Area hrang hrang, Sawrkar Pisa leh Zirna In hrang hrangah hman khat daih Plastic thatloh zia inzirtirna leh Faina beihpuithlak hnatlang hi neih a ni a, he inzirtirna hi VC te kaihhruaina hnuaiah Veng hrang hrangah neih niin hnatlang neih zui a ni a, hetiang bawk hian zirna In hrang hrang leh Integrated AYUSH Hospital-ah pawh hun hman a ni bawk.

Nimin vek khan he Programme hnuaiah hian Thenzawl Higher Secondary School NSS Volunteers te chuan Vantawng Khawhthla panna leh enna hmun te an tifai nghal bawk a ni.

Thenzawl-ah hian Vawiin vek hian Tlawng lui fintu Lau lui thenfai hnatlang chu PHE, Serchhip Sub-Hqrss. YMA leh Vantawng Group YMA te hmalakna in neih a ni bawk ang.