Awareness Campaign nei leh

Serchhip Thalai Pawl (STP) ten ruihhlo do kawnga hma an lakna a ruihhlo thatloh zia inzir-tirna an kalpui mekah nimin khan Govt. JM H/S ah Awareness Campaign an neih leh a ni.

Nimin a Ruihhlo thatloh zia inzirtirna hun hi STP Vice President R. Lalfamkima chuan kaihruaiin Resource Person atan Laldinpuia hman a ni a, zirlaite hnenah ruihhlo chi hrang hrang in mihring taksa leh mihring nun a tihchhiat dante sawiin, ruihhlo ngawlveite hian a tirah ruihhlo ngawlvei nih an tum ngai bik lo tih a sawi a, chuvangin, ruihhlo tihchhin loh chu a him ber tih sawiin, zirlaite chu ruihhlo leh mipat hmeichhiatna thlenga an nun uluk turin a chah a ni.

He hunah hian Govt. JM High School Headmaster Paul Zohmingthanga leh zirlai naupangte telin, LPS Youth Icon Lalrempuia a zai bawk a, High School dangah Awareness Campaign hi kalpui zel tura ruahman a ni.