Pen Down Strike neih tum thulh

Samagra hnuaia thawk inzawmkhawm pawl, Federation of Mizoram Samagra Employee (FEMSE) chuan Vawiin atanga Pen Down Strike neih an tum chu tiamchin awm lovin a titawp lailawk tih an sawi.

FEMSE te hian an hlawh chungchanga sawrkar an kar mekna ah sawrkar hmalakna kal zel dan thlira lungawi thlak loh an tih thu an sawi hnuah kar hmasa Ningani atang khan Badge dum belin Vawiin atang hian Pen Down Strike neih an tum thu an lo puang tawh a. Hemi chungchangah hian nimin tlai khan FEMSE OB te chu Education Secretary leh State Project Director, Samagra te nen inkawmna neiin sawrkar hmalakna kal zel leh hmachhawp te inhrilhhriatna neih anih bakah FEMSE pawhin an lungawi lohna bakah an beiseina te an sawi bawk a ni.

He inkawmna an neih zawh hnu hian FEMSE OB te hian thutkhawm nei leh nghalin hemi hnua thuchhuah an siamah, “Sawrkar hma-lakna chak zawka a kal theih nan leh sawrkar hmalakna kal mek hi a rintlak nia hria in lungawi lohna lantira Badge dum kan bel mek leh Dt. 11.7.2022 (Monday) atanga Pen Down Strike neih tura ruahmanna awm chu tiamchin awm lova tihtawp lailawk a ni,” an ti a. Hei vang hian an Member te chu vawiin atanga mahni hna theuh tha taka thawk chhunzawm turin an ngen nghal bawk a. Thudawn danin FEMSE te thilphut hi Cabinet Meeting-a ngaihtuah a nih hnuah siam that ngai tlem a awm avangin ngaihtuah that leh tura dah a ni.

FEMSE hruaitute chuan nimin-a Education Secretary leh State Project Director, Samagra te nen an inkawmna ah hian hlawh ennawnna tur atana hma lakpui zel an tum thu bakah an duhna leh sawiduhte Chief Minister hnena thlen theihna hun an neih theihna tura CM Appointment buaipui sak tura FEMSE ngenna pawh theihtawp chhuaha bawhzui sak an tum thu an sawi niin an thuchhuah ah chuan an tarlang a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man