Bru 1095 te hming E. Roll atangin paih tawh

Mizoram Electoral Roll-a hming chuang thin Bru vote nei mi 1,095 te hming chu Tripura Electoral Roll-ah thunin Mizoram Electoral Roll atangin paih a ni tawh. Mizoram Joint Chief Electoral Officer David Liansanglura Pachuau sawi danin Zirtawpni thleng khan Bru vote neite hming 1,095 hi Tripura Election Department hotute chuan an State Electoral Roll-ah an thun tawh a. Heng te hi Mamit District-a Assembly bial pathum – Mamit, Hachhek leh Dampa bial a vote nei thin Bru 933 te, Kolasib District Assembly bial pathum Tuirial, Serlui leh Kolasib Assembly bial a vote 153 leh Lunglei District-a Assembly bial pathum Lunglei South, Thorang leh West Tuipui bial-a vote nei mi 10 te an ni.