COVID-19 hri kai enkawllai 948 la awm mek

Mizoram-ah COVID-19 hri kai hmuhchhuah an la pung zel a, nimin tlai thleng khan hri kai enkawllai pawh mi 948 an awm leh tawh a ni.

Nimipiah khan Mizoram-ah Sample 627 enfiah niin heng atang hian COVID-19 hri kai mi 105 hmuhchhuah an ni a, Sample enfiah atanga chhutin za zela 16.75 te chuan hri an kai a, hri kai hmuhchhuah te hi Raqpid Antigen Test hmanga hri kai hmuhchhuah vek niin Aizawl District-ah 84, Saitual District-ah 11, Khawzawl District-ah 6, Champhai District-ah pathum leh Hnahthial District-ah mi pakhat te an ni a, ZMC-a RT-PCR Laboratory-ah Sample 3 enfiah niin TrueNat Laboratory-ah Sample pakhat enfiah awmin hri kai hmuh erawh an awm lo thung.

Nimin khan Lunglei District-ah chiah COVID-19 hri kai enkawl dam report awmin hri kai enkawl dam mi 16 an awm a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,30,229 niin an zinga 2,28,575 te chu enkawl dam an ni  tawh a, hri kai hmuhchhuah atanga chhutin za zela 99.28 te chu enkawl dam ni tawhin hri kai enkawllai mi 948 an la awm a, hri kai zingah mi 706 an boral tawh bawk a ni. Aizawl District chu COVID-19 hri kai enkawllai tamna ber la niin mi 492 enkawl mek an ni a, Lunglei District-ah hri kai enkawllai mi 243 an la awm bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar