Pachhunga University College NIRF 2022 Top 50-ah lang

Sawrkar laipui, Ministry of Education hnuaia India rama zirna sang dinhmun endiktu, National Institutional Ranking Framework (NIRF) in nimin-a Ranking an tihchhuah thar berah Pachhunga University College, Mizoram chuan 45-na dinhmun a hauh.

India rama zirna In sangte dinhmun an zirchianna thar ber (NIRF Ranking 2022) hi nimin khan New Delhi-ah Union Education Minister Dharmendra Pradhan chuan a tlangzarh a, he Ranking-ah hian Pachhunga University College chu 45-na niin Top 100 zingah hian India Hmarchhak States zinga lang  awmchhun a ni.

‘India Ranking-2022’ tihchhuah ah hian Indian Institute of Technology (IIM), Madras chu zirna In tha berah thlan niin IIT Madras hian tehna hrang hrang atanga lakin mark 90.04 a hmu a, IIM Ahmedabad chu Management lam zirna huangah pakhatna niin, IIM Bangalore leh IIM, Calcutta ten an dawt a. Medical lam zirna ah AIIMS New Delhi chu a sang ber a, Savitha Institute of Medical and Technical Sciences, Chennai chu Dental College tha berah thlan a ni bawk.

IIT, Madras chu Engineering College tha ber niin IIT Delhi leh IIT Bombay ten an dawt a. Miranda House, Delhi chu College tha berah thlan a ni a, Hindu College Delhi leh Presidency College, Chennai ten an dawt a. Jamia Hamdard chu Pharmacy zirna tha berah thlan a ni bawk. Indian Institute of Science, Bengaluru chu ramchhunga University tha berah thlan a ni a, Jawaharlal Nehru University, Delhi leh Jamia Millia Islamia, Delhi ten an dawt bawk a ni.

NIRF hian College tha thlanna atan hian tehfung (parameters) hrang hrang – zirlai dinhmun zir chianna te, University exam result neih that dan te, research an beih nasat dan te, research paper an tihchhuah (publish) dan dinhmun leh thil dang dangte a hmang a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar