Ni khat-ah COVID-19 hri kai za chuang hmuh a ni

Niminpiah khan Mizoram-ah Sample 595 enfiah niin COVID-19 hri kai mi 138 hmuhchhuah an ni a, Sample enfiah atanga chhutin za zela 23.19 te chuan hri kaiin April 11, 2022 hnu lama ni khat-a hri kai hmuhchhuah an tam ber tum nia hriat a ni.

Niminpiah-a Mizoram-a hri kai hmuhchhuah thar 138 zinga 137 te hi Rapid Antigen Test hmanga Sample enfiah 587 atanga hmuh te an ni a, Aizawl District-ah hri kai mi 66 hmuh niin Lunglei District-ah 25, Mamit District-ah 17, Saitual District-ah 12, Serchhip District-ah 10, Kolasib District-ah 5 leh Khawzawl leh Hnahthial District-ah mi pakhat ve ve te an ni a, hei bakah hian ZMC a RT-PCR Laboratory-ah Sample enfiah 7 awmin hri kai mi pakhat hmuh a ni a, TrueNat Laboratory-a Sample enfiah pakhat-ah hri kai hmuh an awm lo thung a ni.

Nimin khan Mizoram District 4-ah COVID-19 hri kai enkawl dam mi 30 an awm belh ve leh bawk a, heti hian nimin tlai thleng khan Mizoram-a COVID-19 hri kai hmuhchhuah tawh chu 2,29,348 niin an zinga 2,28,304 te chu enkawl dam an ni tawh a, hri kai hmuhchhuah atanga chhutin za zela 99.54 te chu enkawl dam an ni tawh a, hri kai enkawllai mi 338 lai awm leh tawhin COVID-19 hri kai zingah mi 706 an boral tawh bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar