Lokayukta-in thubuai 46 an ziak lut tawh

Mizoram Lokayukta chuan a din atangin eiruk thubuai chi hrang hrang 46 an ziaklut tawh a, thubuai ziahluh 29-te chu Preliminary Enquiry neih tura thutlukna siam a ni a, complaint lut zinga pathum chu Preliminary Enquiry ti loin tihtawp a ni.

Lokayukta hian Investigation Wing a neih loh avangin chhui lailawkna (Preliminary Enquiry) ti turin Anti-Corruption Bureau (ACB) leh Central Bureau of Investigation (CBI)-ah thubuai a thawn thei a, CBI-in enquiry an tih dawn chuan State sawrkarin phalna a pek a ngai thung. Preliminary Enquiry tih hnuah thubuai 45 zinga thubuai 14 chu tihtawp niin, thubuai 19-ah chuan Preliminary Hearing nei tura order siam niin Preliminary Hearing neih a nih hnuah thubuai pali tihtawp a ni a. Thubuai 12 chu chiang zawka chhui (regular investigation) turin thutlukna siam a ni a, regular investigation report hi Lokayukta chuan dawn a la nei lo thung a. Kumin chhung a thubuai ziahluh 9 zinga tubuai 2 chu Lengpui Airport tihchangtlun hnathawh kaihnawih a ni.