COVID-19 hri kai enkawllai sang khat aiin tam tawh

Mizoram-ah COVID-19 hri kai hmuhchhuah an la pung zel a, hri kai enkawllai pawh nimin thleng khan mi sang khat chuang an awm leh tawh a ni.

Niminpiah khan Mizoram-ah Sample 558 enfiah leh niin heng atang hian COVID-19 hri kai mi 119 zet hmuhchhuah leh an ni a, Sample enfiah atanga chhutin za zela 20.24 te chuan hri an kai a, heng te hi Rapid Antigen Test hmanga Sample enfiah 573 atanga hri kai hmuh te vek niin Aizawl District-ah hri kai 61 hmuh an ni a, Lunglei District-ah 38 hmuh niin Saitual District-ah 14, Champhai District-ah 4 leh Hnahthial District-ah mi 2 te an ni. Niminpiah khan ZMC-a RT-PCR Laboratory-ah Sample 13 enfiah niin TrueNat Laboratory-ah Sample enfiah 2 a awm bawk a, hri kai hmuhchhuah erawh an awm lo thung a ni.

Nimin khan Mizoram District pahnih atangin COVID-19 hri kai enkawl dam mi 31 an awm belh ve leh bawk a, heti hian nimin tlai thleng khan Mizoram-a COVID-19 hri kai hmuhchhuah tawh zawng zawng chu 2,30,348 niin an zinga 2,28,606 te chu enkawl dam an ni tawh a, hri kai hmuhchhuah atanga chhutin za zela 99.24 te enkawl dam ni tawhin hri kai enkawllai mi 1036 an la awm mek a, hri kai zingah mi 706 an boral tawh bawk a ni.