Leimin vanga chenna In neilo In sak sak

Thla hmasa a ruahsur nasa avanga Serchhip Darnam Veng-a chenna In chhia, Chhanghnuna chenna In tur chu Inrinni atang khan khawtlang in hnatlang neiin an sak sak.

Thla hmasa June 17 bawr vela ruah tam tham tak surah khan Serchhip Darnam kawr bul atanga kawng thar laihna vung tla chuan he kawng thar leh NH. 54 inkara awm Chhanghnuna In hi a delh a, hei vang hian he In hi luah zui ngam loha awmin June 18, 2022 khan thiah a lo ni tawh a, In nei lova thla khat vel a awm hnuah Inrinni khan a In awm thin bulah hian a In tur sak hna hi thawh tan leh a ni.

Serchhip Darnam Veng VCP, C. Lalengzauva chuan he In sakna atan hian YMA leh mi tlawmngai ten a chak an remchan ang an thawhkhawm tih sawiin, bialtu MLA Lalduhoma chuan a chng tur Rangva tum bawkin a bak tul tur chu VC ten an tum dawn tih a sawi a, In hi Assam Type-a sak tur ni mah se a chhuat erawh lei ringin PCC-a chhun tur a ni tih a sawi a, a dung ft. 15 leh a vang ft. 10-a zau-a sak tur a nih thu a sawi bawk. He In sakna tur atan huan tun thla ni 5 khan khawtlang in hnatlang neiin a hmun tur hi laih leh tihfai a lo ni tawh bawk a, In sak hna hi thawh chhunzawm chhoh zel tura ruahman a ni.