DC te ngenna thawnchhuak

Mizoram sawrkar-a Secretary Disaster Management & Rehabilitation Department chuan District tina Disaster Management Authority te lehkha thawnin COVID-19 laka himna tura inkaihhruaina khauh taka kengkawh thar leh turin a hriattir.

Nimin-a District tin Bawrhsap leh Disaster Management Authority-a Chairperson te hnena lehkha a thawn ah hian kumin March 31-a an Department in Order a tihchhuah a CAB kenkawh chungchang a lo tarlan chu a theih anga bawhzui turin a ngen a. Heta tarlan zingah hian COVID Appropriate Behaviour (CAB) chu tha taka zawm turte; Sakhaw biak In, inneih inkhawmna hmun, mitthi vuina, sports inelna leh mipui punkhawmna hmun dangah te a bik takin hmui-hmai tuam chu zaiho leh mi zinga thusawi changin tha taka zawm tur a nih thu te; Mipui punkhawmna hmun, Sakhaw biakna hmun leh puipunna dangah te chuan tha taka ‘Social distancing’ zawm tur a nih thu te leh Activity hrang hrangah te hian hri leng laka kan him nan a mawhphurtu ten CAB/SOP uluk taka zawm a nih theih nan hma an lak tur thu te tarlan a ni.