Vawk thi 90 aiin tam tawh

Serchhip District-a African Swine Fever (ASF) vanga Vawk thi chu 90 aia tam tawhin Vawk 90 suat a ni tawh bawk.

Serchhip District-a ASF hri lenna hmuna puan East Lungdar-ah Vawk thi awm belh zelin Inrinni khan Vawk 6 lai a thi leh a, heng zinga 4 chu a puitling a ni nghe nghe a, heng te nen hian East Lungdar-ah hian ASF vangin Vawk 38 thi tawhin 17 suat a ni tawh bawk a ni. Heng bakah hian Sailulak-ah Vawk 33 thi tawhin 28 suat a ni tawh a, North Vanlai-phai-ah Vawk 14 thi tawhin 20 suat a nih tawh bakah Bawktlang-ah Vawk 6 thiin 25 suat a ni tawh a, heti hian kumin March 29 hnu lamah Serchhip District-ah ASF vangin Vawk 91 thi tawhin 90 suat a ni tawh bawk a ni.

ASF hri lenna hmuna puan ni lo North Mualcheng-ah Inrinni khan Vawk thi pahnih a awm leh bawk a, heng te nen hian North Mual-cheng-ah hian Vawk 21 thi tawhin Vawk 23 suat a ni tawh bawk a ni.

Comments

Popular News (Last 30 Days)

LPG man bithliah thar