Agri. Minister in Bio Control Laboratory tur a tlawh

Lengpui-a Bio Control Laboratory tur sak mek chu Inrinni khan Agriculture Minister C. Lalrinsanga chuan tlawhin Mizoram in Bio Control Laboratory kan nei tur chu thil lawmawm tak leh kan State tana mellung pawimawh tak a ni, a ti.

Lengpui khuaa Bio Control Laboratory hi Mizoram Sawrkar leh NABARD tangkawpin cheng vbc. 2.73 hmanga din tura hmalakna kalpui mek a ni a, Bio Control Lab. hi sak zawh a nih hunah chuan loneitute tan chhenfakawm tak tur niin buh leh bal leh thlai eichhe thei rannung leh hrik chi hrang hrang laka invenna leh a hrik thahna chi hrang hrang siamchhuah a ni dawn a. Hlo hrisel lo leh chemical ang chi hmang lova Bio Technology sang zawka thlai eichhetu thahna siamchhuah a ni ang a, Vaimim eichhetu Fall Army Worm ngei pawh he Laboratory atanga siamchhuah Bio Pesticide hmanga mihring tana him tak si a beih a ni tawh ang.

Lengpui-a Bio Ccontrol Laboratory tlawhtu Agriculture Minister hi Agriculture Department atangin Joint Director J. Rothanga leh Depuity Director Dr. Samuel Lalliansanga te chuan an tawiawm a, he Laboratory tih changtlun nan hian ICAR hnuaia National Bureau of Agricultural Insect Resources te nena tangkawpa hmalak a nih tur thu Agriculture Minister chuan a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar