Tui pump-ah harsatna thleng

Tunhnaia ruahsur nasa ah Tuikum lui a nut lutuk avangin PHE Department chuan mipuite hnena Tui sem tur an pump thei lova, tui sem kawngah harsatna a thleng mek.
PHE Department hotute hnen atanga thu kan dawn danin Tuikum lui-a tui luang ah lei/chirh a tam avangin Tuikum lui atanga Tui pump-na, VT Pump chu chirh hian a hnawh a, hei hi tuilian avanga tihfai mai theih a nih loh avangin Tuikum lui-a tui hi pump theih a ni rih lova. A bulhnaia kawrte tui an lak pawh tui a len nasat avangin Intake chu chirh in a hnawh zel a, hei hi Duty ten thianfai mah se reilote ah chirh hian a hnawl zel avangin tui hi lak hleih theih a ni lo bawk a. Hetianga tui lak tur a awm rih loh avangin hian mipuite hnena Tui semchhuah tur pawh pump tur awm rih lovin nimin-a Tui semna turah pawh sem theih a ni ta rih lo a ni.