Sailiam Veng-ah In thiat

Tunhnai ruahsur nasa avanga chenna In luah zui ngamloh a awm Serchhip Sailiam Veng-a Chhanghnuna In chu nimin khan hnatlang a thiah a ni.


Tarlan tawh angin Serchhip Sailiam Veng-a Mobile Tower phunna tur kawng laih mek hnuaia awm Chhanghnuna In, a bang dap, a chung Rangva leh a chhuat lei ring hi tunhnai ruahsur avang khan a chhaklam atanga leivung tawlh chuan luah ngamloh a siamin a kawmchhak lam chu leivung hian nasa takin a rawn nek a, hei bakah hian an In chhuat lai tak chu a khi tlang bawk a. Hei vang hian Inrinni khan a bungrua te thiarchhuah niin Serchhip Darnam VC leh YMA ten an rel angin nimin khan VC leh YMA Executive Member te chuan hnatlang an nei a, he hnatlang ah hian mi 30 vel an thawkchhuak a ni.

Vanduaina tawk Chhanghnuna hi Presbyterian Sailiam Kohhran Biak In Chok-a in vawmluh tur rih a ni a, Darnam Veng VC te chuan In sak that leh dan tura ruahmanna an la neih loh thu sawiin, a tul anga thuneitute an hriattir tawh thu leh ruahmanna la siam leh tur a nih dawn thu an sawi a ni.

Comments

Popular posts from this blog

Bialtu MLA in Laptop pe