Space Technology zir theih dan tur sawidunna nei

Mizoram Governor Hari Babu Kambham-pati leh Indian Technology Congress Association ( ITCA), Bangalore-a Founder Member and Advisory Council Member Dr. SK. Prasad te chu inkawmin Mizoram-a zirlai thiam filawr te zinga Space Technology zir duh thlanchhuah dan tur leh an zir theih dan turte an sawidun.

He inkawmna Raj Bhavan-a neih ah hian Governor Hari Babu Kambhampati chuan Mizorama zirlaite chu lehkha thiam thei tak leh hmundanga zirlaite el phaka Thluak tha an ni tih a sawi a. Space Technology pawh a zirna kawng a inhawn phawt chuan hlawhtling takin an zir thei turah angai tih a sawi. Governor chuan Dr. SK. Prasad leh a thawhna hmuna thuneituten Mizoram-ah zirlaite tan Space Technology zir theihna hun remchang an rawn zawn sak chu lawmawm a tih thu a sawiin, hemi kawngah hian ITCA hotute chuan Higher & Technical Education Department, Mizoram University, NIT Mizoram, Polytechnics, Science & Technology Department leh Science Teachers Association of Mizoram berawn se, anni nena indawrna kaltlang hian zirlai thiam thei zual zinga Space Technology zir duhte thlanchhuah a awlsam a rin thu a sawi a ni.

He hunah hian Dr. SK. Prasad chuan Prime Minister hmathlir angin India thalaite chu Space Technology lamah thiamna sang zawk nei tur leh India ram chu a hmahruaitu a nih theih nan chher hriam mek an ni tih a sawi a, he hmalakna kal zelah hian zirlai team 75 te chu kumina project 75 thawk zo hman turin Students' Satellites 75 project hnuaiah Satellite te chi, Mini Satellite siam turin thlan an ni dawn tih a sawi a. He Project-ah hian India rama zirlaite zawng zawng an inel dawn a, Team 75 thlan tur niin he Project-ah hian Mizoram-a zirlaite tan pawh tel theihna hun a inhawng thei dawn niin a sawi a ni.

Comments

Popular posts from this blog