Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

SHG tan bungrua sem a ni

/

School Education Minister Lalchhandama Ralte chuan Darlawn RD Block huamchhunga MzSRLM hnuaia Self Help Group-te tan nimin khan Custom Hiring Centre (CHC) bungrua a hlan a, he hunah hian Combine Rice Mill (5 HP), Turmeric Grinding Machine (15kgs), Power sprayer (20 lts), Brush Cutter (2 stroke), Brush Cutter (4 stroke), Sprayer (2 in 1) leh Sprayer (16 lts) te hlan a ni. Darlawn RD Block huamchhung ah hian SHG 318 din ni tawhin, SHG member 2583 an awm mek a, khaw tinah Village Organi-sation din ni tawhin, CHC bungraw leina tur atan hian VO te hnenah cheng nuai 2.2 theuh pek an ni a, SHG ten an mamawh bungrua an sawi chu heta tang hian lei sak an ni.

Comments

Post a Comment

Popular News (Last 30 Days)