MULCO General Meeting nei

Mizoram Milk Producers' Cooperation Union Limited (MULCO) Annual General Meeting vawi 26-na chu nimin khan Aizawl Bawngkawn South YMA Cultural Centre-ah neih a ni a, he hun hi Cooperation Minister C. Lalrinsanga chuan hmanpuiin Bawngvulh hi eizawnna tlaka siam kan tumna kawngah ramin hmasawnna tur tam tak a la nei tih a sawi a, chungte chu bawhzui turin theihtawp chhuah a ni zel a ni tih a sawi bawk. MULCO hi AH & Vety Department hmalakna in Janury 5, 1983 khan din a ni a, MULCO hi Cooperative Act hnuaiah mahni a ro inrel (Autonomous body) niin Mizoram pum huap tura duan a ni a, March 21, 1995 atang khan AH & Vety Department atanga indangin, Affiliated Society 530-ah Member 74 an awm a, MULCO hnuaia member te bawng vulh chu a vaiin 480 a ni.