Science Congress neih tur atan inbuatsaih

District Level Children Science Congress neih tur atana inbuatsaihna atan nimin khan Serchhip District-a Middle School leh High School Zirtirtute ten Sensitization Workshop neih a ni.

Kumdanga lo tih thin tawh angin Children Science Congress hi neih leh tura ruahman niin hemi atan hian District chhunga High School leh Middle School zingah a tel duh turte chu in hriattir tura tih an ni a, heta in hriattir te atang hian School hotu leh Science/Mathematics Zirtirtute tan he hun hi BRC Hall-ah neih a ni a, he hun hi Samagra Shiksha-a DPC leh Serchhip DEO Lawmawma chuan hmanpuiin tunlai khawvel changkang tawh takah zirlai ten Science lama thiamna ril zawk an neih theihna tura thahnem ngai turin he huna kalkhawm zirtirtute chu a chah a ni.

He hunah hian Resource Person tan Dr. Laldinpuia Associate Professor, Centre for Disaster Management, MZU chu hman niin Science Congress neih tur atana Project siam dan an zirho a ni.