Remna ni lawmna nei dawn

Karleh Ningani, June 30-a Remna Ni lo thleng tur chu Serchhip-ah pawh Assembly Deputy Speaker Er. Lalrinawma hovin hman a ni dawn.

Mizoram sawrkar in ruahmanna a lo siam tawh angin Remna ni hi Mizoram District khawpui tin ah a lawmna neih tura ruahman a ni a, Serchhip a Remna ni lawm dan tur ngaihtuah hian nimin khan Serchhip DC Meeting Hall-ah Bawrhsap mawhphurhna la mektu Addl. DC Lalmuansanga Ralte hovin tlawmngai pawl, Political Party leh sawrkar mi pawimawh te chu thukhawmin he ni lawmna hi chawhma dar 11:00 atangin BN-RGSK Hall-ah Serchhip DIPRO K. Saitluanga kaihhruaia neih nise an ti a, programme tlangpui tur pawh duan nghal a ni a, he ni-ah hian ‘Remna Ni chanchin leh a pawimawhna’ tih thupui hmanga mithiam thusawite leh PAMRA Serchhip District te, Joint NGO Coordination aiawh thusawi te ngaihthlak a ni dawn bawk a ni.