Ruihhlo do kawnga thawktu tur din dan tur sawiho

State Working Committee on Ruihhlo Do chu nimin khan a vawi khatna atan thukhawmin District Level leh Village Level-a Ruihhlo dona kawnga thawktu tur indin dan tur an sawiho.

He thutkhawm SAD Conference Hall-a neih hi an Chairman leh Excise Minister Dr. K. Beichhua chuan kaihruaiin Mizoram chhungah nasa taka ruihhlo a hluar avangin tangrual a, tihtakzeta dolet a ngai tih a sawi a. Vawi leh khatah tihrem vek thei nilo mah se, a hluar lutuk tihziaawm hi hna pawimawh hmasa a ni tih sawiin, Sawrkarin a do let tur Working Committee a din chuan theihtawp chhuahin hmalak an tum tih a sawi a ni.

He Meeting hian State Level bakah District tinah Working Committee din nise tiin District Working Committee on Ruihhlo Do-ah hian DC te Chairman an ni anga, Member atan a kaihhnawih Department aiawh te bakah tlawmngai pawl hrang hrang te ruat nise an ti a. Khua leh veng tinah Village Level Task Force din rel bawkin Member atan Local Council, Kohhran, Tlawmngai pawl te leh Veng/khaw tinin telh tul an tih ang ruat ni se, heng member kalkhawmte hian an Chairman tur leh hruaitu dang te thlang se an ti a ni.

He thutkhawm a tel te hian Task Force te kaihruaitu tur, an thuneihna leh kalphung tur, Action Plan & Guidelines siam tur Committee a ruat a. He Committee-ah hian Excise Department, Police, Health, Social Welfare leh Central YMA aiawh te an tel dawn a ni. State Working Committee atanga Village Level Task Force thlenga sum leh pai mamawh tur duanchhin chu he Meeting-ah hian thlir a ni bawk a. Budget atan cheng vbc. 7 chu pawm niin hei hi sawrkarah thlen leh tur a ni.

Comments

Popular posts from this blog

Bialtu MLA in Laptop pe