Latest News

Kamlova Class-I Contractor a nih dan zawtfiah

ZPM Party hruaitu thenkhat leh ZPM Legislature Party Secretary Dr. Vanlalthlana te chuan nimin khan PWD Engineer-in-Chief Bowman kawmin Kamrula Class-I Contractor a nih chhoh dan an zawtfiah.

ZPM thuchhuah in a tarlan danin Mizoram sawrkarin Contractor ruat tharna notification a tihchhuahah khan ‘Mizoram Contractor Rules, 2014’ behchhana ruat a nih thu tarlan niin amaherawhchu 'Rules for Enlistment of Contractors in Mizoram, PWD, 2014' emaw; a kaihtawiin 'Enlistment Rules, 2014' a nih zawk avangin he notification hi siamthatna (corrigendum) tichuak leh turin E-in-C hi an ngen a. He dan hi a famkim tawk lohna awm thei te leh siamthat ngai nia lang te E-in-C hi an sawipui bawk.

ZPM chuan March 1, 2022 khan PWD E-in-C hnena KR Construction/Kamlova Chhangte hnathawh chungchang leh Non-Tribal a nih anga chhiah a pekna (tax deducted at source) RTI hmangin a lo zawt tawh tih pawh sawiin, he RTI zawhna chhanna Vawiin thlenga ZPM-in a dawn tawh chin, PWD Division hrang hrang te leh E-in-C Office atanga lehkha pawimawh ah te chhiah pekna (TDS) emaw, Kamlova hnathawhna lehkha pawimawh (document) ah Permanent Account Number (PAN) a thiltel loh thu chhanna dawn a ni tih an tarlang a. Hetianga Kamlova hnathawh tawh (work done) leh Non-Tribal anga chhiah (income tax) a lo pek tawhna te pawh 'Enlistment Rules, 2014' in a phut engmah awm lova Class I Contractor nihna pek a ni chu chhuizui zel an tum thu an sawi bawk.

Comments

Popular News (Last 30 Days)