Rajya Sabha MP in Zemabawk-a MSCI a tlawh

Mizoram Rajya Sabha MP K. Vanlalvena chuan nimin khan Zemabawk-a Mizoram State Cancer Institute (MSCI) chu tlawhin MSCI hmasawnna chi hrang hrang leh hna thawh hmabak te a hmunah a enfiah.

Nimin-a MSCI a tlawhna ah hian Rajya Sabha MP chuan MP hmasa leh Union Health Minister ni bawk Dr. C.Silvera'n Cancer hemna khawl Mizoram-ah min lo bun sak kha kan ram tana thil hlu tak leh chhuanawm anih thu sawiin, Khawl thil anih avangin a lo hlui tawh a, a thlakna turin khawl tha zawk leh changkang zawk Mizoram sawrkarin a bun thei ta chu hmasawnna ropui tak a nih thu leh lawmawm a tih thu a sawi a. Cancer Hospital-ah hian damlo te veivahna tur, Patient Lift an la neih loh avangin siam sak a tum thu a sawi bawk.

Rajya Sabha MP hi MCSI Director Dr. Zoramthanga leh Dr. Jeremy Lalrinsanga Pautu HOD, Medical Oncologist-ten lo dawngsawngin, Mizoram hi Cancer tamna ber, dan hre mi thlengin Court-a an khin hialna kan ni tih sawiin, helai hmunah hian khawl tha tak tak dah tur pawh ruahman mek zel a nih thu leh sawrkar thar in khawl tha tak a pe chu an lawm em em tih a sawi a. MSCI-ah taksa pum en theihna, Pet-ctscan tur Room pawh peihfel a ni tawh a, a khawl hi a rawn thleng tep tawh a, he khawl hian taksa pum, chhungril lam thlengin Cancer vei leh veiloh a en theih dawn a. Pet-ctscan hi Mizoram a awm loh avang hian nitin deuh thaw phaiah mi za rual vel damlo an kal a ngaih phah tih an lo sawi bawk a ni.

Comments

Popular posts from this blog

Bialtu MLA in Laptop pe