MIZOFED Assembly neih a ni

Mizoram State Cooperative Marketing & Consumers Federation (MIZOFED) Annual General Assembly vawi 24-na chu nimin khan Synod Conference Centre, Aizawl-ah neih a ni a, Cooperation Minister C. Lalrinsnga chuan a hmanpui a ni.

MIZOFED Annual General Assembly-ah hian Coopeation Minister chuan Cooperative Movement hi Movement pawimawh, Kristian nun nen phei chuan inrem em em a ni tih sawiin, “Cooperative Movement hi a rau dik taka kalpui chuan kan ram economy hian hma a sawnpui dawn tih a chiang,” a ti a. Mahni chauha tih theihloh thil tam tak hi midangte nena thawhhona atang chuan a tih theih a, amaherawhchu hlawh-tling tak tak tur chuan rinawmna a pawimawh, a ti. Agriculture Department changtu ni bawk C. Lalrinsanga chuan Agriculture Department chuan MIZOFED chu Channelizing Agency-ah hman an tum thu sawiin, Ei leh bar lei leh hralhna tur Supply Chain atan Roadmap duan mek a ni a, thui tak an kalpui tawh tih a sawi bawk.

Tun tum hi Hripui len hnua MIZOFED in General Assembly an neih theih leh hmasa ber niin kumin hi an kum 40 tlin kum a ni bawk a. MIZOFED hian thuang thumin sumdawnna an kalpui a. POL Division, LPG Division leh Essential & Consumer (E&C) Division te an ni a. Kum 2021-22 chhung khan POL Division hian cheng nuai 17363.69 man hu an hralhchhuak a, LPG Division hian cheng nuai 4108.54 man hu an hralhchhuah bakah E&C Division hian cheng nuai 1793.96 man hu bungrua an hralh a ni.

He hunah hian MIZOFED hmalakna te tarlan zingah COVID Total Lockdown chhungin Vegetable Supply Chain buaipuitute zingah sawrkar in a telh thu te, ramri buai laiin Manipur leh Tripura-ah tuialhthei leh eirawngbawlna gas phur hmahruaitu an nih thu leh New Capital Complex-ah Ptrol Pump thar hawngin NEC atanga sum an dawn hmangin ei leh bar Supply Chain ruhrel an buatsaih mek thu te tarlan a ni bawk.

Comments

Popular posts from this blog

Bialtu MLA in Laptop pe