NIT Mizoram Convocation vawi 5-na neih a ni

National Institute of Technology (NIT) Mizoram Convocation vawi 5-na chu nimin khan Aijal Club-ah neih a ni a, he hun hi Chief Minister Zoramthanga chuan a hmanpui a ni.

Nimin-a NIT Mizoram Convocation-ah hian Chief Minister chuan Graduate tharte chu a lawmpui thu sawiin, an hlawhtlinna atana an nu leh pate leh zirtirtute kaihhruaina leh inpekna chungah lawmthu a sawi bawk a. Graduate-te chu an kal zelna tur eng pawh thlang se, India ram economy a than chhoh lai taka Graduate an nih avangin remchanna tam tak an tan a inchhawp tih hre chungin, an thiamna te chu ram leh mipui tan tangkaia hmang zel turin a chah a, an kal zelna turah theihtawp an chhuah chuan hlawhtlinna an hmuh zel theih tur thu a sawi bawk. NIT Campus nghet tha tak an neih thuai a duhsak pui thu pawh Chief Minister chuan sawiin, an technology thiamna hmang tangkaia Environment nen inhne rem tak ‘Green NIT Campus’, State dang tan pawh a entawntlak an siam ngei a beisei thu a sawi bawk.

NIT Mizoram Convocation hi an Director leh Board of Governors-a Chairman Prof. S. Sundar chuan kaihruaiin Civil Engineering, Computer Science & Engineering, Electronics and Communication Engineering, Mechanical Engineering leh Basic Science & Humanities Department atangin Bachelor of Technolgy (B.Tech), Master of Technology (M.Tech) leh Doctor of Philosophy (Ph.D) zirlai hlawhtling 121 te hnenah Degree hlan an ni a. A hmunah hian zirlai 55-te chu mahni ngei kalin Degree hlan niin zirlai 66-te erawh chuan a hmunah an chhim theilo thung a. Department tina zirlai titha ber theuh mi 7 hnenah Gold Medal hlan an ni bawk.

Comments

Popular posts from this blog