ZPM Working President in kalphung thar a sawifiah

ZPM Working President K. Sapdanga chuan, “ZPM-in Dan hi a nihna ang takin kan kengkawh ang kan tihte hi tunlaiah chuan Kalphung Thar a ni tawh,” a ti.

ZPM Tuirial West Block-in nimin-a Awithangpa Hall, Kawnpui-a Political Training an buatsaih a hmanpuina ah he thu hi sawiin ZPM Working President chuan, tunhmain kawng hrang hrangin ram siam tumin hma a lo lak ve tawh thin thu leh hmasawn erawh a har hle tih a sawi a, chu thahnemngaihna kal zela an tanlakna ah ZPM hi a lo piang chho ta niin a sawi a. Kalphung Thar mipui sawrkar chungchang sawiin ZPM Working President chuan, “ZPM-in ‘Dan hi a nihna ang takin kan kengkawh ang’ kan tihte hi tunlaiah chuan Kalphung Thar a ni tawh a, sawrkarin a dan siamte a bawhchhia a, dan bawhchhiate hremtu an awm lo. ZPM hi a lo sawrkar a nih chuan thlai thar a lei dawn a, Kamrul-a hna hmuh zat hmang ringawt pawh hian mipuite tan thil tam tak a tih theih a ni. Thil a nih dan tur dik tak nihtir hi ZPM in kalphung thar kan tih chu a ni,” a ti. 

Comments

Popular posts from this blog