NGO in lungrual takin an dinna ah an la ding tih an sawi

Serchhip NGO Coordination Committee chuan nimin khan thutkhawm neiin Serchhip District Hospital sak tur chungchanga an hmalakna ah lungrual takin an dinna ngaiah an la ding tih an sawi.

Serchhip NGO Coordination Committee thutkhawm nimin tlai-a Serchhip Sub-Hqrs. YMA Meeting Hall-a neih ah hian Serchhip District Hospital sakna tura hma an lak mekna te ngaihtuah ho niin mi thenkhat ten NGO Coordination a tel te lungrual tawhlo anga an lo sawi chu pawi an tih thu an sawi a. “Tun thleng hian lungrual takin kan dinna ngaiah kan la ding tlat e,” an ti.

Hei bakah hian tunhnaia JAC on Ser-chhip District Hospital Site te nen Bawrhsap hova thutkhawm an neih ah JAC aiawha tel mi pakhat in NGO Coordination Committee atanga tel leh an Treasurer nilai JAC lamtang anga a sawi chu thalo an tih thu sawiin, hemi chung-chang ah hian he thu sawitu hi ngaihdam dil tura an phut thu pawh an sawi bawk a ni.

Nimin a Serchhip NGO Coordination Committee thukhawm hian Serchhip damdawi In-a Doctor sawn chungchanga an hmalakna pawh thlirin, Doctor insawn tur dang tura rua-hmanna an lo siam tawh chu a aiawh dah tura hmalakna kal mek a awm avanga an dan tak loh thu an sawi bawk. He thutkhawm ah hian NGO Coordination Committee-a tel pawl hrang hrang 5 aiawh an tel kim a ni.