Latest News

MNF in MSHCS-a Bill ba tam chhan sawifiah

MNF Party chuan Mizoram State Health Care Society (MSHCS)-a bill ba a tam chhan chu MNF sawrkar hnuaiah damlo ten natna zawng zawng an bill theih bakah beneficiary 1,00,000 chuang an tlin tawh vang a ni, an ti.

Inrinni-a thuchhuah an siamah MNF Party chuan tun dinhmunah MSHCS chuan bill pek chhuah theih loh cheng vbc. 55 vel a nei mek tih sawiin, thla khat bill ringawt pawh cheng vbc. 6-7 a ni tawh tih an sawi a. Hetihlai hian Mizoram sawrkar Finance Department-in Corpus Fund peipunna pung atangin quarter khat (thla 3 dan) zela bill a pekchhuah thin chu cheng vbc. 4 vel a ni a. Congress sawrkarah kha chuan natna khirh bik chauh a bill theih avangin bill a lut tam lova, beneficiary pawh 30,000–40,000 inkar chauh an ni a, Corpus Fund pung atangin bill a cover phak a ni, an ti. Congress sawrkarah khan MNF sawrkar hmasa ruahman sa Corpus Fund-a dah bak State sawrkar sum atangin cheng khat mah an dah belh lo nia sawiin, dah belh ve anga an insawi fo hi Corpus Fund awmsa (a pung nen) leh AB-PMJAY (CSS) pawisa chauh an hmang a ni, an ti bawk.

Tunhnaia Asian Development Bank (ADB) loan cheng vbc. 1004.70 lak tur chungchang ah loan puk tur zaa 80, cheng vbc. 803.76 chu ADB in pechhuakin zaa 20, cheng vbc. 2009.94 chu Mizoram sawrkar tum ve tur a ni tih an sawi a. ADB Loan tur cheng vbc. 803.76 hi External Aided Project (EAP) hnuaia kal tur niin EAP Guidelines angin Central sawrkarin 90%, cheng vbc. 723.38 atangin a rul ang a. Loan puktu Mizoram Sawrkarin 10%, cheng vbc. 80.38 atangin a rul thung dawn tih an sawi a. Mizoram Sawrkarin ADB Loan a puk tur chu cheng vbc. 80.3 chauh tihna a nih thu leh 2% p.a. vela pung tur nia ngaih a nih thu an sawi bawk.

Comments

Popular News (Last 30 Days)