Mizo Inchai Title Fight nei dawn

/

Mizo Inchai Title Fight 2022 chu kumin November 2-4 chhung khian neih tum niin TV atangin man chawi-a en theih a ni dawn a, Title Fight neihna tur hmun erawh tihchian a la ni lo thung.

Mizo Inchai Title Fight 2022 neih tur atan hian nimin khan Zonet Cable TV leh Mizoram Wrestling Association te chuan thawhhona tur an ziakfel a, inremna tarlan a nih danin Mizo Inchai Title Fight 2022 hi November 2-4, 2022 chhunga neih tura ruahman niin Tittle Fight neihna hmun tur hi thutlukna siam la ni lovin Mizoram Wrestling Association kutah a awm dawn a, MWA, Mizo Inchai Tittle Fight Organising Committee chu Tournament buatsaiha hmalatu a ni anga, Zonet Cable TV lamin Mizo Inchai Title Fight 2022 buatsaihna turah player-te lawmman zawng zawng an tum dawn a ni.

Commercial lam atanga hlawkna an hmuh chu Zonet Cable TV in an chang dawn a, Zonet hian Mizo Inchai Title Fight 2022 neih turah Pay-Per-View (PPV) angin a TV Network-ah LIVE-a pechhuakin senso zawng zawng pawh a tum vek dawn a, Pay-Per-View (PPV) atanga hlawkna awm hi Zonet hian 10% a chang dawn bawk a ni.

Hetihlai hian Mizoram Wrestling Association kutah inkhelhna hmuna ticket man te lutin Technical Officials te hlawh pawh MWA in an tum anga, Mizo Inchai Title Fight Technical kaihnawih thil zawng zawng pawh an buaipui dawn a, Pay-per-View atanga hlawkna 90% chu player leh MWA ten an in sem dawn bawk a ni.

He inremna ah hian Zonet Cable TV aiawhin Director, LV. Lalthantluanga'n a hming ziakin Mizoram Wrestling Association aiawhin Mizo Inchai Title Fight 2022 Organising Committee Chairman Ngurthansanga chuan a hming a ziak bawk a, he hunah hian Zonet Cable TV Director, LV. Lalthantluanga chuan, Zonet Cable TV chuan Mizo thalaite hmasawnna tur leh chawisanna chu an tum ber a ni tih sawiin, Mizo inchai hi Mizo ta, kan traditional game a ni a, he sport hi Mizoten ropui taka kan chawimawi a ngai a ni, a ti bawk.

Mizo Inchai Tittle fight a inchai turte :

Nute : Lalbiakdiki Serchhip Vs Lalvenhimi, Bethlehem Veng

Nulaihawl : Elizabeth Rohlupuii, Mel riat Vs Zodinpuii Lunglei

Nulian : Hmangaihsangi, Dilkhan(Saitual) Vs Lalsiamthari, E. Lungdar

Pate : B. Lalawmpuia, Thenzawl Vs Lalchhanhima Saitual

Palaihawl : Remruatpuia Saitual Vs Lalmalsawma, Kolasib

Palian : Lalsangliana (END) Vs Lalnunfela (MRP)

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »