Niminpiah ah COVID-19 kai 18 hmuh belh leh

Niminpiah khan Mizoram-ah Sample 203 enfiah leh niin heng atang hian COVID-19 hri kai mi 18 hmuh an ni a, Sample enfiah atanga chhutin za zela 8.87 te chuan hri an kai a ni.

Niminpiah-a Mizoram atanga COVID-19 hri kai hmuhchhuah te hi Rapid Antigen Test hmanga Sample enfiah 193 atanga hmuh te vek an ni a, Kolasib District-ah hri kai mi 9 hmuh niin Aizawl leh District-ah 3 ve ve, Saitual District-ah mi 2 leh Khawzawl District-ah hri kai mi pakhat hmuh an ni. Heng bakah hian ZMC-a RT-PCR Laboratory-ah Sample 3 enfiah niin District hrang hranga TrueNat Laboratory-ah Sample 7 enfiah a ni bawk a, heng atang hian hri kai hmuhchhuah an awm lo thung a ni.

Nimin khan Mizoram District 6-ah COVID-19 hri kai enkawl dam mi 25 an awm belh ve leh thung a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,28,751 niin an zinga 2,27,946 te chu enkawl dam an ni tawh a, hri kai tawh atanga chhutin za zela 99.65 te chu enkawl dam an ni tawh a, hri kai enkawllai mi 104 la awmin hri kai zingah mi 701 an boral tawh a, Siaha, Lawngtlai leh Hnahthial District tihloh District dangah hri kai enkawllai an la awm a ni.