Latest News

Group Match khel zo dawn

Serchhip Hmar Veng Football Club buat-saih F. Zothanmawia (Mamawia) Memorial Football Tournament chu Vawiin hian Group Match khelh zawh a ni ang.


Serchhip Sports Complex-a he Tournament khelh mekah hian Inrinni khan Group A leh B ten an Group Match khel zovin Group A atangin Chhim Veng Branch YMA leh Serchhip Kawnpui North Branch YMA ten match 3 khelh atanga point 7 ve ve hmuin Quarter Final an lut a, Point 3 hmutu Darnam Branch YMA leh he inelna a rawn inlan ta lo Zotuithiang Branch YMA ten Group Stage an paltlang zo ta lo thung. Group B-ah Vengchung Branch YMA leh Field Veng Branch YMA ten point 7 ve ve hmuin Quarter Final an lut bawk a, an Group atang hian point 3 hmutu New Serchhip Bazar Branch leh Point hmu lo Dinthar Branch YMA te an tla a ni.

Vawiin hian Group C leh D ten match an khel zo dawn a, Chhiahtlang Kawn Veng Vs S. Kawnpui South; New Serchhip Venglai Vs Hmar Veng, New Serchhip North Vs P&E Veng leh Chanmari Vs Chhekhnai te an intum ang.

Comments

Popular News (Last 30 Days)