Hriangtlang kawng chhia

Tunhnaia ruahsur nasa avanga Tuichawm lui lian in Serchhip leh Hriangtlang inkar Tuichawm lui-a Hume Pipe phum dawlna chu tichhia in mihring leh lirthei tan Hriangtlang khua hi tlawhpawh theih loh in a awm mek.


Serchhip PWD hotute hnen atanga thu kan dawn danin Hriangtlang kawng hi PMGSY sum hmanga laih niin tunah kawng laih hna chu zawh a ni tawh a, he kawng in a pal-tlang Tuikum lui leh Tuichawm-ah te hian Lei dawh tura ruahman niin Survey pawh neih a ni tawh nghe nghe a ni.

Hetianga kawng laih tlang a nih tak hnu hian Lei dawh hmaa lo hman lailawk turin Hume Pipe Culvert hi siam a ni a, Hume Pipe 5 lai phumin tui hi paih thei tura ngaih ni mah se a sir-a Retaining Wall siam chu a chhiat tak avangin helai-a Hume Pipe phum pawh hi a chhia a, lirthei leh ke-a kal te tan pawh kal kai ngaihna awm lovin a chhe leh ta rih a ni.

Hriangtlang khaw panna kawng hi kumin April thla tirlam khan Sailiamkawn bulah kawng chhuat bal avangin lirthei hmanga Hriangtlang kal turte tan hian Dawngzawl lamah hel ngaiin a lo awm tawh a, he kawng thlakna tur pawh hi laih ala ni lo bawk a. Sawrkar hotute nen inbiakna an neih ah kawng laih dan tur ruahman ni mah se kawng laitu tur Company lamin thu dang an nei leh nia thudawn a ni bawk.

Comments

Popular posts from this blog

Bialtu MLA in Laptop pe