Governor in ramri tlawh

Kolasib District tlawha zin Mizoram Governor Dr. Hari Babu Kambhampati chuan nimin khan Vairengte-a Counter-Insurgency and Jungle Warfare (CIJW) School chu tlawhin CIJWS kalphung leh sipai hnena zirtirna an pek dan te an hrilhfiah bakah a takin an lo entir bawk a ni. Governor hian Vairengte-a Assam leh Mizoram inrina a CRPF duty-na hmun pawh tlawhin CRPF DIG (Silchar) Shah Nawaz Khan chuan a lo dawngsawng a, Mizoram sawrkar Home Department-a Commissioner H. Lalengmawia chuan ram mipuite ngaihsaktu Governor Mizoram in a nei chu thlamuanthlak a tih thu leh ramri venghimtu te tan pawh phurna nasa zawk a thlen ngei a beisei thu a sawi bawk.

Governor hian Vairengt-a Pradhan Mantri Ujjwala Yojana (PMUY) kaltlanga ei-rawngbawlna Gas connection dawngte leh Pradhan Mantri Awas Yojana (PMAY) hnuaia In sak tanpuina dawngte tlawhin, hamthatna la dawng kim lo te pawhin an dawn thuai a beisei thu a sawi.