Rajya Sabha MP in hmanpui

National Commission for Protection of Child Rights leh Mizoram State Commision for Protection of Child Rights te tangkawp in an buatsaih 'State Level Sensitization cum Consultation Work-shop on Handling POCSO Cases for Advocates of DLSAs/Procecutors, Special Juvenille Police Units & CWPOs' chu nimin khan Aijal Club-ah neih a ni a, he hun hi Mizoram Rajya Sabha MP K. Vanlalvena chuan hmanpuiin naupang dikna humhalh leh venhim hi hnam changkang leh hmasawn apiangin an ngai pawimawh tih a sawi a, Naupangte hi hnam rohlu ber an ni tih hriat a pawimawh thu a sawi bawk. National Crimes Record Bureau buatsaih 'Crime in India 2020' a a lan danin, kum 2020 chhungin POCSO Act 2012 hnuaiah Mizoram atangin case 105 ziahluh a ni a, North East State zingah Assam-ah case a sang berin, Meghalaya leh Mizoram ten an dawt a ni.