COVID-19 hri kai enkawllai pung leh hret

Nimiinpiah khan Mizoram-ah COVID-19 hri kai mi 29 lai hmuh belh leh an ni a, hri kai enkawllai pawh an pung ve leh hret a ni.

Nininpiah khan Mizoram-ah Sample 409 enfiah niin heng atang hian COVID-19 hri kai mi 29 hmuh niin Sample enfiah atanga chhutin za zela 7.09 te chuan hri an kai a, heng hri kai hmuhchhuah te hi Rapid Antigen Test hmanga Sample enfiah 385 atanga hmuh te vek niin Saitual District-ah 14, Aizawl District-ah 9, Khawzawl District-ah 3, Lunglei District-ah mi 2 leh Mamit District-ah mi pakhat te an ni. ZMC-a RT-PCR Laboratory-ah Sample 7 enfiah niin hri kai an awm lova, District hrang hranga TrueNat Laboratory-ah Sample 17 enfiah niin hri kai hmuh an awm lo bawk a ni.

Nimin khan Mizoram-ah COVID-19 hri kai enkawl dam mi 15 awmin nimin tlai dar 5:00 thlenga Mizoram-a COVID-19 hri kai hmuh tawh chu 2,28,478 an ni a, an zinga 2,27,671 chu enkawl dam ni tawhin hri kai zinga za zela 99.65 te enkawl dam an ni tawh a, hri kai enkawllai 107 awm leh tawhin hri kai zingah mi 700 an boral tawh a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man