FCI-in buhfai chhia hralh an tum lo

Food Corporation of India (FCI) chuan buhfai chhia mipuiah leichhawna hralh an tum lo tih an sawi.

Tunhnai khan Rel hmanga Mizoram a buhfai lo thleng thenkhat chu a chhia leh tawih a awm niin an sawi a, hemi chungchangah Food Corporation of India thawktute chuan buhfai chhia a awm chuan an dahhrang nghal zel tih an sawi a. Food Corporation of India, Aizawl-a Manager Zodinpuii Ralte chuan, “Assam-ah tuilian vangin buhfai phur rel a ding rei a, Wagon thenkhatah buhfai huh a awm a; mahse, a tam lo a. Heng buhfai chhiate hi kan thliar mek a ni,” a ti. FCI Manager chuan hetianga buhfai huh chu kumtin a awm thin tih sawiin, “Buhfai chhia hi awm thin mah se keimahni thu ngawt chuan kan tiral thiang lo a. Committee chi thum a paltlang hnuah a chhiat dan azirin Ar chaw-ah te hralh thin a ni a, paih ngawt theih a ni lo a ni,” a ti bawk.

Tunhnaia buhfai chhia chu a tam a rin loh thu sawiin, a chhiate hi Railways lamah pelet tura ngen (claim) an tum niin a sawi bawk.

Comments

Popular posts from this blog